初學者（上）
假期去咗北海道二世古滑雪，雖然之前都有滑開雪，但係無可否認自己近幾年人老左遲鈍咗肥咗，滑洒瓦。跌跌撞撞無數次，覺得自己好似初學者，乜都要從頭學起，跌到一個點，好沮喪咁坐响一望無際的雪地上，成頭雪，又撞到成身瘀，覺得好辛苦好想放棄，睇到隔離有個日本小男孩，留意到佢仲跌得多過我，不停跌不停爬起身。當時我諗：「其實做人處事，我哋每個人都係初學者，我哋每一日都要面對唔同嘅人同事，每日都係新的一日，唔可以一本通書睇到老。C朗同美斯踢波踢到曉飛，但係佢哋都要堅持每日練習、Kobe Bryant五奪冠軍指環，佢嘅名句：“Have you seen Los Angeles at 4am?”你哋一定有聽過，佢每日堅持凌晨四點去訓練場練波。呢班星級職業運動員，其實已經名成利就，可以「交行貨」，係咩令到佢哋咁堅持？其實就係「對自己嘅要求」同「對工作嘅尊重」，佢哋一啲都唔覺得自己係最勁，永遠都會有一顆謙卑嘅心，咁先可以不斷進步。其實我想講，我哋做獵頭都應該要有依種心態，自己做咗咁多年，成功place咗幾百個Candidates，就算做返同樣嘅客或同樣嘅工作...
See More
Search